Вашингтон, 31 јануари 2025 (МИА)  -   Американскиот претседател Доналд Трамп денеска изјави дека воениот хеликоптер „Блек Хок“ кој вчера се судри со авион на „Американ ерлајнс“ над Вашингтон, летал премногу високо во моментот на инцидентот.

Американските воени хеликоптери редовно летаат на одредена рута над реката Потомак во близина на прометниот национален аеродром Вашингтон, Роналд Реган. Од безбедносни причини, висината на тие летови со хеликоптери е ограничена на 200 стапки (околу 61 метар).

„Хеликоптерот Блек Хок леташе премногу високо, и тоа многу. Беше многу над границата од 200 стапки. Тоа навистина не е толку комплицирано за разбирање, нели?“, напиша Трамп на Truth Social.

Федералната управа за транспорт на САД продолжува да ја истражува несреќата.

Досега, повеќе од 40 тела се извлечени од водата по судирот. зш/