Давос, 23 јануари 2025 (МИА) – Американскиот претседател Доналд Трамп денеска преку видео врска ќе им се обрати на учесниците на Светскиот економски форум, што се одржува во Давос.

Предвидено е обраќањето на Трамп да трае 45 минути, вклучително и сесијата прашања и одговори со директорите на големите компании.

Најавено е дека со Трамп ќе разговараат и генералниот директот на нафтената компанија „Тотал енерџи“ (TotalEnergies), Патрик Пујане, претседателката на шпанската банкарска група „Банко Сантанде“ (Banco Santander), Ана Ботин, генералниот директот на американскиот инвестициски фонд „Блекстоун“ (Blackstone), Стивен Шварцман и генералниот директор на „Банк оф Америка“ (Bank of America), Брајан Мојнихан. ми/

фото: МИА архива