Белград, 2 декември 2024 (МИА) - Самостојниот синдикат на просветните работници на Србија најави дека на 6 декември од 11:45 до 12:45 часот ќе организира едночасовен прекин на работа во сите образовни институции, јавија белградските медиуми.

Како што наведоа, причина за прекинот биле нападите од јавни функционери врз наставниците, кои во петокот на 29 ноември ја прекинале наставата 15 минути и со учениците се вклучиле во акцијата „Застани, Србијо“.

„Со прекинување на наставата на петнаесет минути, наставниците им одржаа важна лекција на своите ученици за трагичните последици од корупцијата, нетранспарентноста на јавните работи и неодговорноста на носителите на јавни функции, поради што беа обвинети за наводно злоупотреба на деца за политички цели и влечена низ таблоидниот кал на режимските медиуми“, се вели во соопштението.

Во соопштението пишува дека учениците покажале емпатија со оддавање почит кон луѓето кои настрадале кога врз нив паднала настрешницата на Железничката станица во Нови Сад и дека на тоа не биле принудени или изманипулирани.

„Независниот синдикат на просветните работници на Србија им дава поддршка на сите образовни работници кои со својот пример поттикнуваат критичко размислување и изградба на правилен вредносен систем за децата и младите и ги повикува државните функционери да престанат да ја злоупотребуваат својата положба за справување. со оние кои не сакаат да бидат нивни поданици и послушни“, се наведува во соопштението. зш/