Пјонгјанг, 27 септември 2023 (МИА) - Северна Кореја одлучи да го протера американскиот војник Тревис Кинг, за кој претходно беше соопштено дека признал дека илегално влегол во земјата, објави денеска севернокорејската агенција КЦНА. 

Британските медиуми пренесоа дека во конечниот извештај од истрагата за нелегалниот влез на Кинг во Северна Кореја, во јули годинава, се наведува дека Кинг рекол дека бил огорчен од нехуманиот третман и расната дискриминација во редовите на американската војска.

-Тревис Кинг призна дека одлучил да дојде во Северна Кореја затоа што се чувствува лошо поради нечовечкиот третман и расната дискриминација во американската војска, изјави претходно официјален претставник на Пјонгјанг за Корејската агенција. 

Извештајот на севернокорејската државна агенција не прецизираше каде ќе биде прогонет војникот, иако Северна Кореја претходно забележа во своите првични истраги дека Кинг сака засолниште исклучиво во Северна Кореја. 

Пред да ја премине границата со Северна Кореја, Кинг одлежа два месеци во јужнокорејски затвор под обвинение за напад и беше ослободен на 10 јули. Потоа требаше да лета за САД за да се соочи со дисциплинска постапка, но успеа да побегне од аеродромот. 

Кинг е специјалист за извидување кој е во војска од јануари 2021 година, а дошол во Јужна Кореја како дел од ротацијата на американските трупи. сд/

фото:Си-ен-ен од ФБ