Барселона, 26 јануари 2026 (МИА) - Австрискиот формула 1 тим Ред Бул објави видео и фотографии од својот нов болид РБ22.

Првите претсезонски тестови во Формула 1 ќе започнат денес во Барселона.

Холанѓанецот Макс Верстапен и француско-алжирскиот возач Исак Хаџар ќе возат за Ред Бул во сезоната 2026.

Верстапен вози за Ред Бул од 2016 година. Дваесет и осумгодишниот Холанѓанец е четирикратен шампион во Формула 1. Минатата сезона заврши втор во шампионатот на возачи. 

Хаџар го имаше своето деби во Формула 1 во 2025 година, возејќи за Рејсинг Булс. Неговиот најдобар резултат беше третото место на Големата награда на Холандија.

Ред Бул заврши трет во шампионатот на конструктори на крајот од сезоната 2025. зс/

Фото: Фејсбук Ред Бул