Катманду, 16 февруари 2026 (МИА) - Неколку десетици илјади верници се собраа денеска во главниот град на Непал, Катманду, за да го одбележат хиндуистичкиот фестивал Шиваратри, кога - и покрај законската забрана, употребата на канабис деновиве е дозволена во чест на богот Шива.

Верниците се собраа во храм посветен на хиндуистичкото божество, каде што искажуваа молитви и религиозни песни, додека намачкани со пепел, јавно консумираат марихуана. Употребата на канабис, инаку, е забранета во Непал и се казнува со затвор до еден месец за корисниците или до 10 години за дилерите, но традиционално се толерира за време на фестивалот, со оглед на тоа што и Шива честопати е прикажуван како аскет кој консумира канабис.

Голем број верници, претежно млади, пристигнаа и од соседна Индија, заради верскиот празник и прославата со употреба на опојната супстанција.

Непал беше познат по легалната продажба на марихуана и други дроги во 1960-тите, кога хипиците се собираа во земјата на Хималаите - продавниците и чајџилниците, на пр. отворено рекламирале и продавале канабис. Но, сѐ тоа е забрането во 1976 година. си/рп/