Њујорк, 21 февруари 2025 (МИА) – Окружниот обвинител во своите завршни зборови на судењето на Хади Матар од Њу Џерси, обвинет за обид за убиство на писателот Салман Ружди со нож на сцена за време на предавање во Њујорк, изјави дека видеото ја покажува „неиспровоцираната природа на нападот“.

- Сакам да ја погледнете целната природа на нападот. Имаше многу луѓе тој ден, но само една личност беше цел, рече денеска окружниот обвинител Џејсон Смит, кој на поротата и пушти забавена снимка од нападот врз Ружди, на која се гледа како напаѓачот излегува од публиката, се качува по скалите до сцената и трча кон Ружди.

Хади Матар (27) е обвинет за обид за убиство на Салман Ружди во напад со нож во образовниот институт Чатаква во западен Њујорк во август 2022 година. Доколку биде прогласен за виновен, се соочува со затворска казна до 25 години. јт/

Фото: МИА архива