Филаделфија, 4 февруари 2026 (МИА) - Тренерот на Филаделфија, Ник Нурс му дава поддршка на Пол Џорџ за време на неговата суспензија. Кошаркарот е суспендиран на 25 натпревари.

Џорџ ја одржува својата форма тренирајќи со тимот.

- На Џорџ му е дозволено да биде во тимскиот објект, да учествува на тренинзи, загревања и така натаму. Тој беше со нас на утринскиот тренинг. Сакаме Пол да биде што е можно повеќе вклучен во кошаркарските активности и да биде подготвен да му помогне на тимот на крајот од сезоната, изјави Нурс.

Тренерот е загрижен како да ја пополни празнината во составот за време на суспензијата на Џорџ.

- Квентин Грајмс како привремена замена? Отприлика ја знаеме неговата улога. Тој е играч кој доаѓа од клупата и носи поени во тимот. Често ме слушате како зборувам за тоа колку ни е потребен неговиот шут за три поени. Токму таму се мачеше во последните десет натпревари. Тој има просек од 5,5 шутеви оваа сезона, но во последните десет натпревари, тој има само околу 3. Би сакал да видам повеќе од него, би сакал да видам повеќе од 5,5 обиди, рече Нурс.

Филаделфија е шеста на табелата во Источната конференција на НБА-лигата. зс/

Фото: ЕПА