Киев, 28 јануари 2026 (МИА) – Во синоќешните руски напади со дронови и проектил врз Украина загинаа две лица, а четворица се повредени, соопштија украинските власти.

Маж и жена се убиени во Киевската област, а четворица, од кои две деца побараа лекарска помош, објави гувернерот Микола Калашник на платформата Телеграм.

Украинското воено воздухопловство соопшти дека Русија синоќа лансирала и балистичка ракета Искендер-М и 146 беспилотни летала, од кои 103 се уништени од украинската противвоздушна одбрана.

Во главниот град на Украина, Киев погодена е станбена зграда од 17 катови, при што е оштетен кровот.

Одеса втора вечер по ред е под руски напад, при што е оштетена пристанишната инфраструктура.

Русија изврши напади и врз Запорожје, при што четири лица се повредени, а оштетени се најмалку 12 станбени згради. ми/сд/

фото: ДПА