Мадрид, 20 јануари 2026 (МИА) - Поранешниот тренер на Ливерпул, Јирген Клоп, кој е директор за фудбалски операции во групацијата Ред Бул, коментираше за гласините што го поврзуваат со можно назначување во Реал Мадрид.

Германскиот тренер изјави дека во моментов нема планови да се врати на тренерската работа, но не ја исклучува можноста во иднина.

- Во моментов, би рекол „не“, но не можам да кажам „никогаш“. Не мислам дека ќе го сменам мислењето. Имам мислење, но не знам. Се наоѓам во позиција каде што сум целосно задоволен од мојата позиција. Засега не сакам да бидам никаде на друго место, изјави Клоп за „AS“.

Педесет и осумгодишниот германски фудбалски стручњак не бил главен тренер од 2024 година, кога го напушти Ливерпул. Претходно, Клоп ги водеше Борусија Дортмунд и Мајнц. зс/

Фото: ЕПА