Вашингтон, 21 февруари 2025 (МИА) - Специјалниот претставник на САД за Украина и Русија, Кит Келог денеска изјави дека имал „долги и позитивни разговори“ со украинскиот претседател Володимир Зеленски за време на неговата тридневна посета на Украина.

„Долг и интензивен ден со лидерите на Украина. „Долги и позитивни разговори со Володимир Зеленски“, напиша Келог на својот профил на Икс.

Тој ја сподели изјавата на Зеленски на неговата сметка за нивната вчерашна средба, опишувајќи го украинскиот претседател како „борбен и храбар водач на нација во војна“, опкружен со „талентиран“ тим за национална безбедност.

A long and intense day with the senior leadership of Ukraine. Extensive and positive discussions with @ZelenskyyUa, the embattled and courageous leader of a nation at war and his talented national security team. https://t.co/kLu9roZ5z1

— Keith Kellogg (@generalkellogg) February 21, 2025

„Украина е подготвена за силен, навистина корисен договор со претседателот на Соединетите Американски Држави за инвестиции и безбедност. Предложивме најбрз и најконструктивен начин за постигнување резултати. Нашиот тим е подготвен да работи 24 часа на ден“, напиша Зеленски на Телеграм.

Тој изјави дека имал добар и темелен разговор со Келог и за ситуацијата на фронтот и за безбедносните гаранции.

„Благодарен сум на Соединетите Американски Држави за сета помош и двопартиска поддршка дадена на Украина и на украинскиот народ“, напиша Зеленски. рп/

Фото: ЕПА