Кочани, 4 ноември 2025 (МИА) - Во Салонот „ Фоаје 2 “ во Центарот за култура „ Бели мугри“ од  Кочани отворена е изложба од Ванчо Кеков, ликовен уметник и педагог од Кавадарци, кој твори претежно во техниката акварел. 

За авторот и неговото творештво говореше вишиот кустос и историчар на уметност, Трајче Цветков.

Изложбата, која се состои од триесетина слики, ја претстави Александра Димитрова,  стручен соработник за визуелни уметности, архитектура и дизајн во Националната установа од Кочани.

Изложбата на Кеков е дел од Годишната програма на  ЦК „ Бели мугри“, финансирана од Министерството за култура и туризам и е дел дел од  проектот „ Превземање изложби 2025 година“.

Реализирана е во соработка со Музеј - Галерија од Кавадарци.

Во ЦК „Бели мугри“ изложбата на Ванчо Кеков ќе престојува во наредните две недели. ис/дма/

Фото: МИА