Филаделфија, 19 февруари 2026 (МИА) - Центарот на Филаделфија, Џоел Ембии, доживеал болка во десната потколеница за време на паузата за Ол-стар натпреварите и ќе го пропушти натпреварот од НБА-лигата против Атланта на 20 февруари.

Тимот објави дека болката се развила додека 31-годишниот Американец бил на рехабилитација на десното колено. По консултација со лекарите, центарот е на дневен третман, комбинирајќи работа на теренот со сила и кондиција.

Состојбата на Ембид ќе биде повторно оценета пред серијата од две гостувања на тимот против Њу Орлеанс и Минесота.

Во сезоната 2025/26, Ембид постигна просек од 26,6 поени во 31 натпревар и беше ослободен од ограничувањето на минутите што го мачеше во последните неколку сезони. Тој пропушти три од последните пет натпревари на Филаделфија пред паузата поради болка во десното колено.

Филаделфија загуби шест од последните седум натпревари без Ембид.

Центарот беше ограничен на 19 натпревари минатата сезона и 39 во сезоната пред тоа. Минатиот месец, тој постигна 40 поени и имаше 11 скока во победата над Њу Орлеанс.

Ембид се мачеше со бројни повреди дури и пред да влезе во НБА. Пред драфтот, тој претрпе стрес фрактура на десното стапало, поради што мораше да отсуствува две години. Потоа имаше скинат менискус, фрактура на орбиталната ложа, истегнување на рамото, скинати лигаменти и други повреди.

И покрај сите повреди, Филаделфија сепак потпиша тригодишен договор со Ембид во вредност од 193 милиони долари во 2024 година, со опција за играч за сезоната 2028/29, која нема да биде активна до сезоната 2026/27. зс/

Фото: ЕПА