Брисел, 23 јануари 2025 (МИА) - Високата претставничка на ЕУ за надворешни работи и безбедносна политика Каја Калас ја именува Шпанката Белен Мартинез Карбонел за нова генерална секретарка на Европската служба за надворешни работи (ЕЕАС). 

Мартинез Карбонел, која ќе ја преземе должноста на 1 февруари, на ова позиција ќе го наследи Стефано Санино. 

Како што соопшти ЕЕАС, Мартинез Карбонел има долгогодишно дипломатско искуство во ЕУ, како вработена во Службата и во Европската комисија. Во моментов таа е директор на Одделот за Глобалната агенда и мултилатералните односи во рамките на ЕЕАС, а претходно, меѓу другите позиции, била и директор за човечки ресурси на Службата.  

Во, исто време, Калас го именува Улоф Скуг за заменик генерален секретар на ЕЕАС за политички прашања. 

Тој има долгогодишно работно искуство во шведската и европската дипломатијата, вклучително и шеф на Делегацијата на ЕУ во ОН во Њујорк. Во моментов Скуг е специјален претставник на ЕУ за човекови права. Скуг ќе ја преземе должноста на 1 март. сп/

Фото: Икс