Манчестер, 15 февруари 2025 (МИА) - Менаџерот на Манчестер Јунајтед, Рубен Аморим зборува за финансиските проблеми на клубот. Раководството на „црвените ѓаволи“ планира да отпушти околу 100 вработени за да заштеди пари.

-Овие проблеми не се новини за клубот. Знаевме за правилата на фер-плејот, изјави Аморим за „Скај спорт“.

Тренерот објасни дека проблемот не може да влијае на начинот на кој тимот тренира и се подготвува за натпреварите.

-Мојот фокус е на подготовка, а не на други работи. За да направите нешто, треба да продавате играчи. Толку е едноставно. Моја задача е да бидам подготвен за натпреварите. Сега прозорецот е затворен, не можеме ништо, додаде Португалецот.

Манчестер Јунајтед се наоѓа на 13-то место во Премиер лигата со 29 бодови. На 16 февруари „црвените ѓаволи“ ќе играат против Тотенхем. Натпреварот започнува во 17:30 часот. дс

Фото: Архива