Мадрид, 25 април 2024 (МИА) - Карлос Алкараз успешно се опоравува од повредата и се подготвува за турнирите на земја во Мадрид, Рим и Ролан Гарос. Колку и да го фрустрираат повредите бидејќи има 20 години, а според него „добро тренира, јаде, спие, одмара и не знае зошто се случуваат повреди“, во интервју за „Марка“ зборуваше многу за својот идол Рафаел Надал.

А особено за нескриената, животна желба да игра двојки со него на Олимписките игри во Париз и да се обиде да го нападне златниот медал.

-Го запознав деновиве на турнирите со тоа, но не ми беше дозволено да му предложам. Не знам, тоа е нешто што е мој сон. Веќе илјада пати кажав дека би било одлично да играм со него во двојки на моите први Олимписки игри, рече Алкараз со момчешка искреност.

Надал преку своите последни изјави најави крај на кариерата, можеби Ролан Гарос ќе му биде последен. Карлос би сакал да се соочи со „кралот на земја“ во Париз.

-Тоа би бил еден од најтешките предизвици во тенисот. Би било возбудливо и посебно за мене. Ако се случи, ќе уживам во тоа бидејќи ќе биде нешто уникатно. Но, не сакам да мислам дека Надал ја завршува својата кариерата, сакам што повеќе да уживам во неговиот тенис, истакна тој.

За него, Рафа е секогаш фаворит на Ролан Гарос.

-Никој нема поголемо искуство од него во Париз. Чувството кое Рафа го има за тој турнир не може да се спореди со ниту еден друг тенисер. Но тој е оној кој треба да изгледа добро физички, психички и тениски. Доколку се исполнат тие услови, таму несомнено е дека тој ќе биде меѓу главните кандидати за освојување на Гренд слем, порача Шпанецот.

На прашањето кој ќе биде „број еден“ на крајот на годината, Јаник Синер или тој, Алкараз одговори: „Се надевам дека јас, но ми се чини дека тоа ќе биде Јаник“. дс

Фото: Архива