Prishtinë, 9 shkurt 2025 (MIA) - Kryeministri Albin Kurti dhe partia e tij  Vetëvendosje (VV) fituan në zgjedhjet parlamentare në Kosovë, tregojnë anketat dalëse dhe rezultatet e para të Komisionit qendror zgjedhor (KQZ).

Për Vetëvendosjen kanë votuar mes 37% dhe 42% e votuesve, por partia në pushtet e kryesuar nga Kurti me siguri do të varet nga partnerët e koalicionit për të vazhduar të qëndrojë në pushtet.

Në zgjedhjet në vitin 2021, Lëvizja Vetëvendosje pati mbi 50 për qind të votave.

Të dhënat nga katër organizata të cilët kryen hulumtime paszgjedhore, sugjerojnë se Partia demokratike e Kosovës (PDK) e Memli Krasniqit fitoi mes 19% dhe 23% të votave, Lidhja demokratike e Kosovës (LDK) e Lumir Abdixhikut nga 19% deri 20% dhe Aleanca për ardhmërinë e Kosovës (AAK) e Ramush Haradinajt mes 6% dhe 8%.

Partitë dhe koalicionet e tjera nuk do ta kalojnë pragun prej pesë për qind për hyrje në parlament.

Sipas projeksioneve nga votat e fituara, VV në përbërjen e re të shtëpisë ligjvënëse do të ketë 43 deputetë, PDK 25, LDK 23 dhe AAK 9.

Pa dallim të arritjeve zgjedhore në partitë kryesore politike, 20 nga 120 vende në parlament janë të rezervuara për grupet etnike pakicë: 10 për serbët dhe 10 për grupet e tjera etnike pakicë, përfshirë boshnjakët, turqit dhe romët.

Në zgjedhjet e sotme të para të rregullta, ndërkaq gjithsej të nëntat parlamentare në Kosovë nga shpallja e pavarësisë, u votua në 2.533 vendvotime, ndërsa të drejtë vote patën 1.970.944 persona në Kosovë dhe 104.924 në diasporë. Qytetarët e Kosovës jashtë vendit dje në 30 përfaqësi diplomatike, të locuara në 19 vende të ndryshme.

Në zgjedhje marrin pjesë 28 subjekte politike, prej të cilave 20 parti, pesë koalicione, dy nisma qytetare dhe një kandidat i pavarur. ab/

Foto: ЕPА