Shkup, 31 mars 2025 (MIA) - Prokuroria Themelore Publike Shkup ka sjell Urdhër për zbatimin e procedurës hetimore kundër tre personave për të cilët ekziston dyshimi se kanë kryer veprën penale - Prodhim dhe shpërndarje e paautorizuar e narkotikëve, substancave psikotrope dhe prekursorëve nga neni 215 i Kodit penal.

Në periudhën nga nëntori 2024 deri në mars 2025, të dyshuarit, banorë të Shkupit të moshës 20, 26 dhe 21 vjeçare si dhe persona të tjerë të panjohur, me qëllim të shitjes në shtëpinë e tyre dhe disa lokacione nëpër Shkup, në bunkerë të improvizuar në komunën e Butelit, kanë ruajtur marijuanë dhe amfetaminë.

Nëpunësit e policisë gjatë tetë kontrolleve në lokacione të ndryshme gjetën mbi 800 gram marijuanë, sasi më të vogël të amfetaminit dhe sende të tjera me gjurmë të drogës. Me ekzaminimet e kryera dhe materialit DNK pas drogës që është gjetur, janë konfirmuar gjurmët e të dyshuarve.

Për të tre, prokurori publik deri te gjyqtari i procedurës paraprake në Gjykatën Themelore Penale- Shkup ka dorëzuar propozim për caktimin e masës së paraburgimit, për shkak të rrezikut të arratisjes dhe mundësisë së përsëritjes së veprës penale.

Foto: arkivi i MIA-s