Sana, 16 janar 2026 (MIA) - Këshilli Presidencial i Jemenit, i mbështetur nga Arabia Saudite, ka pranuar dorëheqjen e kryeministrit Salem bin Braik dhe ka emëruar ministrin e Punëve të Jashtme Shaja Mohsen Zindani kryeministër të ri.

 Muajve të fundit Jemeni ka qenë arsye për rritjen e tensioneve midis Arabisë Saudite dhe Emirateve të Bashkuara Arabe. Këshilli Kalimtar Jugor (STC) separatist i mbështetur nga Emiratet e Bashkuara Arabe muajin e kaluar mori kontrollin e pjesëve të Jemenit jugor dhe lindor, duke përparuar drejt kufirit saudit, të cilin Riadi e ka vlerësuar si një kërcënim për sigurinë e tij kombëtare. Luftëtarët e mbështetur nga Arabia Saudite kanë rifituar kryesisht kontrollin e këtyre zonave.

 STC, që ka mbështetje nga EBA, paraprakisht luftoi së bashku  me forcat qeveritare të Jemenit kundër Huthëve, por vitet e fundit kanë marrë kontrollin e Adenit dhe pjesëve të mëdha të jugut të vendit dhe tani po lufton për pavarësinë e Jemenit jugor.

 Arabia Saudite dhe EBA janë pjesë e një koalicioni që lufton rebelëve Huthë të mbështetur nga Irani në Jemen. Lufta civile në Jemen ka çuar në një nga krizat më të këqija humanitare në botë.

 Foto: Arkivi i MIA-s