Dakar, 18 mars 2026 (MIA) - Federata senegaleze e futbollit ka për qëllim të ankohet deri te Gjykata e arbitrazhit për sport (CAS) për vendimin e Konfederatës së futbollit afrikan (CAF) për ndarjen e Kupës afrikane të kombeve për vitin 2025 për Marokun.

"Federata senegaleze e futbollit e dënon këtë vendim jo të drejtë, pa precedent dhe të papranueshëm, i cili sjell turp për futbollin afrikan. Për t'i mbrojtur të drejtat e veta dhe interesat e futbollit senegalez, Federata do të parashtrojë ankesë deri te Gjykata e arbitrazhit për sport në Lozanë sa më shpejtë", thuhet në kumtesën e Federatës.

Ekipi senegalez ka 10 ditë afat të parashtrojë ankesë prej se të shpallet aktvendimi i CAF-së.

Paraprakisht, CAF e konfirmoi ankesën e Marokut dhe vendosi që Senegali të humb me rezultatin zyrtar 3:0 për braktisjen e fushës pas penaltisë së akorduar në minutën 90+8 në finalen e Kupës afrikane të kombeve, e cila u luajt më 18 janar. Kapiteni Sadio Mane e ktheu ekipin e vet në fushë nga zhveshtoret dhe ndeshja vazhdoi.

Marokieni Brahim Diaz nuk e realizoi penaltinë, ndërsa Senegali në kohën shtesë shënoi gol dhe e fitoi ndeshjen. bsh/

Foto: EPA