Shkup, 19 dhjetor 2024 (MIA) – Ministri i Punëve të Brendshme, Pançe Toshkovski sot pasdite u prononcua për akuzat e LSDM-së lidhur me arratisjen e Artan Grubit, për të cilin është shpallur fletarrest ndërkombëtar për rastin me Lotarinë Shtetërore. Ai thekson se MPB ka xhirime për ngjarjen, ndërsa nëpunësit policor i është shqiptuar suspendim. 

“Faleminderit zonjës Kuzevska dhe LSDM-së që edhe një herë treguan se e vetmja gjë që dinë të bëjnë është të gënjejnë publikun maqedonas dhe qytetarët maqedonas. Të gjitha provat që janë në drejtim të zbardhjes së rastit me daljen e personit që tani nuk është i kapshëm për organet e rendit dhe që duhet të përdoren në kuadër të kësaj procedure janë siguruar nga MPB, gjegjësisht MPB posedon një video incizim ku shihet qartë shkelje e ligjit dhe shkelje e procedurave standarde operative nga polici i cili në atë moment ka qenë në kuadër të policisë kufitare”, thekson Toshkovski në videon e publikuar në faqen e tij në Fejsbuk.

Shton se kundër të njëjtit ditën e ardhshme janë ndërmarrë të gjitha procedurat hetuese dhe në bazë të të njëjtave është dorëzuar njoftim deri në prokurorinë kompetente publike, ndërsa ajo është Prokuroria për Ndjekjen e Krimit të Organizuar dhe Korrupsionit. 

“Gjatë ditës së sotme pas konsultimit me prokurorin kompetent publik do të përgatitet padi penale e cila ditën e ardhshme, gjegjësisht nesër do të dorëzohet në prokurorinë kompetente publike”, informon Toshkovski. 

Gjithashtu, shton, nga ana e MPB-së është shqiptuar suspendim lidhur me personin dhe gjithashtu mund të konfirmoj se as nuk e njoh personin, as personalisht kam nënshkruar ose dhënë çfarëdo lloj akti lidhur me emërimin që të punojë në kuadër të policisë kufitare në Maqedoni. 

“Më vjen keq që një parti që e quan veten parti shtetformuese përsëri mbron partnerët e saj, pra BDI-në, dhe sërish tregon se nuk punon në interes të qytetarëve maqedonas, por punon në interesin fitimprurës të bashkëpunëtorëve të tyre më të afërt të cilët, meqë ra fjala, këtu mund të them lirisht se vetë personi që është i pakapshëm për organet e rendit në kohën, pikërisht kur ishin të dashuruar, deklaroi se ishin një. Epo ata vërtetojnë dhe konfirmojnë se janë sërish një me sjelljen e tyre. Por mos u shqetësoni, MPB ka kapacitetet e duhura pavarësisht se e lanë në fazën e djathit zviceran dhe do të veprojë në përputhje me ligjet dhe në përputhje me Kushtetutën dhe të gjithë ata që kanë gabuar do të mbajnë përgjegjësi para drejtësisë”, thekson Toshkovski.

Për dallim nga më parë, përkujton ai, kur fajtor ishte karrotreci, tani ai që ka kryer mosndëshkim ka emër dhe mbiemër dhe do të nxirët para faqes së drejtësisë. 

Më parë LSDM përmes një kumtese dërguar mediave, i bënë thirrje ministrit Toshkovski që të dalë dhe ta tregojë të vërtetën për arratisjen e Grubit, në të kundërtën, siç theksojnë, atë do ta bëjë LSDM.

“Toshkovski ka dy ditë që hesht dhe fshihet nga publiku për lëshimet skandaloze që duken si lirim i organizuar i Grubit. Ky është një skandal me përmasa të mëdha, dhe informacionet që arrijnë çdo ditë në LSDM janë më shqetësuese”, thonë nga LSDM. Nga aty theksojnë se nëse Toshkovski brenda 24 orëve nuk del të tregojë të vërtetën për rastin, atëherë LSDM do ta zbulojë skandalin në tërësi. fc/

Fotografia: Arkivi i MIA-s