Moskë, 29 dhjetor 2025 (MIA) - Presidenti rus Vladimir Putin sot deklaroi se forcat ruse po përparojnë me besim përgjatë gjithë vijës së frontit në Ukrainë, veçanërisht në rajonet Donbas, Zaporizhje dhe Herson.

"Ushtarët po përparojnë me besim, duke thyer mbrojtjen e armikut. Njësitë e forcave të armatosura ukrainase po tërhiqen kudo përgjatë gjithë vijës së kontaktit", tha lideri rus gjatë një brifingu televiziv për situatën në frontin e Ukrainës, duke shtuar se marrja e territoreve në Donbas dhe në Zaporizhjen dhe Hersonin jugor po zhvillohet në faza, sipas planit.

"Rolin vendimtar në sukseset e Forcave të Armatosura ruse në vijën e fronti e luajnë ushtarët dhe oficerët tanë, të cilët, duke çliruar tokën e Donbasit, tregojnë guxim dhe heroizëm çdo ditë, duke rrezikuar jetën e tyre. Dua t'u drejtohem atyre drejtpërdrejt", vuri në dukje Putin.

"Të dashur shokë! Ju padyshim shërbeni si shembull për shërbim ndaj Atdheut, shërbimit ndaj Atdheut. Ju punoni, përmbushni misionet tuaja luftarake për të mirën e Rusisë sonë të madhe. Faleminderit për shërbimin tuaj të guximshëm ndaj Atdheut! Dhe ju uroj për Vitin e Ri që po vjen", iu drejtua Putin ushtarëve rusë.

Gjeneralkoloneli Mihail Teplinski, komandant i Grupit të Ushtrisë ruse "Dniepër", i raportoi Putinit se forcat ruse po i afrohen qytetit Zaporizhje, i cili para luftës kishte një popullsi prej mbi 700.000 banorë.

"Njësitë e përparuara (ruse) ndodhen rreth 15 kilometra nga periferia jugore e qytetit Zaporizhje", tha Teplinski.

"Ne e kuptojmë dhe jemi të vetëdijshëm se armiku, i cili është drejtpërdrejt përballë jush, ka vite që përgatit mbrojtjen e tij dhe ne e dimë sa e vështirë është situata atje. Pavarësisht kësaj, ju arrini të përmbushni detyrat me të cilat përballet grupi", tha Putin.

Ai i tha Teplinskit se donte të dëgjonte më shumë për të njëjtën gjë.

"Në të ardhmen e afërt, është e nevojshme të vazhdojmë ofensivën së bashku me grupimin lindor për të çliruar Zaporizhjen", tha Putin.

Gjenerali Valerij Gerasimov, shefi i Shtatmadhorisë ruse,  e informoi më parë Putinin se forcat e Moskës po përparojnë përgjatë pothuajse të gjithë vijës së frontit, ndërsa forcat e Kievit janë të përqendruara në mbrojtje dhe duke u përpjekur të nisnin një kundërsulm.

Gerasimov raportoi se forcat ruse kanë pushtuar 6.640 kilometra katrorë territor në Ukrainë këtë vit, duke përfshirë 334 fshatra, dhe se përparimi i bërë në dhjetor ishte më i shpejti deri më tani këtë vit. ls/

Foto: EPA