Nju-Jork, 5 shkurt 2025 (MIA) - Lëvizja për të kundërshtuar veprimet e para të administratës së presidentit Donald Tramp ka nisur në internet, ndërsa sot janë planifikuar protesta në të gjithë SHBA-në, njoftun mediat amerikane.

Lëvizja organizohet nën hashtagun #buildtheresistance dhe #50501, që do të thotë "50 protesta, 50 shtete, një ditë". Shumë nga protestat janë planifikuar në kryeqytetet e shteteve, ndërsa disa në qytete të tjera.

Lëvizja ka ueb faqe interneti dhe llogari të mediave sociale. Fletushkat, që janë të shpërndara në internet, dënojnë Projektin 2025, "loja" e ekstremit të djathtë për qeverinë dhe shoqërinë amerikane dhe përfshijnë porosi të tilla si "Refuzoni fashizmin" dhe "Mbroni demokracinë tonë".

Në javët e para të mandatit të tij të ri, Trampi ka nënshkruar një sërë urdhrash ekzekutivë – nga tregtia dhe imigracioni deri te ndryshimet klimatike. Ndërsa demokratët filluan të ngrenë zërin në kundërshtim me agjendën e Trampit, protestat filluan, njoftuan mediat amerikane.

Të dielën, mijëra persona marshuan kundër planit të Trampit për dëbime masive në Kaliforninë Jugore, duke përfshirë dhe qendrën e Los Anxhelosit, ku protestat mbyllën një autostradë të madhe për orë të tëra. rq/

Foto: EPA