Meksikë, 2 shkurt 2025 (MIA) - Presidentja meksikane Klaudia Shejnbaum urdhëroi mbrëmë kundër tarifa si përgjigje ndaj vendimit të SHBA-së për vendosjen e tarifave prej 25 për qind për të gjitha mallrat që vijnë nga Meksika.

Në një postim më të gjatë në X, Shejnbaum deklaroi se qeveria e saj kërkon dialog, jo konfrontim, me fqiun e saj verior, por se Meksika është e detyruar të përgjigjet në të njëjtën mënyrë.

Rechazamos categóricamente la calumnia que hace la Casa Blanca al Gobierno de México de tener alianzas con organizaciones criminales, así como cualquier intención injerencista en nuestro territorio.

Si en algún lugar existe tal alianza es en las armerías de los Estados Unidos…

— Claudia Sheinbaum Pardo (@Claudiashein) February 2, 2025

"Kam udhëzuar ministrin e Ekonomisë që të zbatojë Planin B për të cilin kemi punuar, i cili përfshin masa tarifore dhe jotarifore për të mbrojtur interesat e Meksikës", tha Shejnbaum, pa hyrë në detaje se cilat mallra amerikane do të prekeshin nga qeveria e saj.

SHBA-ja është bindshëm tregu i huaj më i rëndësishëm i Meksikës, me ç'rast Meksika kaloi Kinën në vitin 2023 dhe u bë destinacioni kryesor për eksportin amerikan.

Sipas burimeve të informuara, Meksika po përgatit tarifa të mundshme hakmarrëse që variojnë nga pesë deri në 20 për qind për mishin e derrit, djathin, produktet e freskëta, si dhe çelikun dhe aluminin nga Shtetet e Bashkuara të Amerikës. Industria e automobilave fillimisht do të përjashtohet, thonë ata.

Eksporti i SHBA-së në Meksikë në vitin 2023 arriti në më shumë se 322 miliardë dollarë, tregojnë të dhënat e Byrosë së Regjistrimit, ndërsa SHBA importoi produkte meksikane në vlerë prej më shumë se 475 miliardë dollarë.

Në postimin e saj, Shejnbaum hodhi poshtë gjithashtu si "shpifëse" pretendimet e Shtëpisë së Bardhë se kartelët e drogës janë në bashkëpunim me qeverinë meksikane, një pretendim që administrata e presidentit Donald Tramp e ka përdorur për të shpjeguar pse vendosi tarifa.

Tramp tha se tarifat kundër Meksikës u nxitën nga dështimi i vendit për të ndaluar futjen e fentanilit në SHBA, si dhe nga ajo që ai e përshkroi si migrim të pakontrolluar. sa/

foto: Arkivi i MIA-s