Kjo recetë pice bazohet në fermentim të ngadaltë, duke rezultuar në brumë të lehtë, elastik dhe të shijshëm me strukturë të shkëlqyer. Është perfekte për pica shtëpie me cilësi profesionale, të përgatitura në furrë të zakonshme.

Përbërësit e brumit:

922 gramë miell gruri 

600 ml ujë të ftohtë

23 gramë kripë

18 gramë sheqer të grimcuar

3 gramë maja të thatë

28 gramë vaj ulliri

Përgatitja:

Shtoni kripën dhe sheqerin në miell dhe përzieni përbërësit e thatë me një pirun, pastaj shtoni majanë e thatë. Shtoni gradualisht ujin dhe përzieni derisa përzierja të kombinohet. Pastaj shtoni vajin e ullirit dhe pngjesheni për 10-15 minuta, derisa të fitoni brumë të lëmuar dhe homogjen. Mbulojeni brumin dhe lëreni të pushojë për 30 minuta.

Fermentimi i parë: Ngjeshni përsëri brumin për 2-3 minuta, vendoseni në një enë të lyer lehtë me yndyrë dhe më pas vendoseni enën në qese plastike. Lëreni brumin të fermentohet në temperaturë ambienti për rreth 14 orë.

Fermentimi i dytë: Ndani brumin në 6 copa prej rreth 250 gramësh dhe formojini në topa. Vendosni secilin top në enë të veçantë të lyer me yndyrë/në një qese plastike ose të gjithë së bashku në një tepsi pjekjeje. Mbulojeni me foli plastike ose alumini dhe lërini të pushojnë dhe të fermentohen ngadalë në frigorifer për rreth 10 orë. Filloni duke e shtrirë brumin me duar, nga qendra në skaje. Vendoseni në letër pjekjeje dhe hapeni në madhësinë e dëshiruar. Shtoni salcë domatesh, djathë dhe shtesa nëse dëshironi. Piqeni picën në furrë të parangrohur në 250 °C për rreth 10 minuta, ose derisa të marrë ngjyrë të artë. Shërbejeni picën menjëherë pas pjekjes, derisa është e nxehtë dhe krokante.

Foto: Freepik