Oslo, 10 shkurt 2025 (MIA) – Këshilli norvegjez për refugjatë (NRC) sot kumtoi se do të pezullojë punën humanitare në afro 20 vende të botës, pasi presidenti amerikan Donald Tramp e ngriu ndihmën amerikane.

 “Asnjëherë në historinë tonë 79-vjeçare nuk kemi përjetuar një ndërprerje kaq të papritur të ndihmës nga ndonjë prej kombeve tona të shumta donatore, organizatave ndërqeveritare apo agjencive private donatore”, theksohet në kumtesën e NRC-së.

Këshilli norvegjez për refugjatë paralajmëron se pasojat e ndërprerjes së ndihmës amerikane do të bëhen gjithnjë e më serioze për njerëzit që përballen me kriza në mbarë botën. NRC-së në Ukrainë tashmë i është dashur të ndalojë shpërndarjen e planifikuar të shkurtit të ndihmës urgjente për 57,000 njerëz përgjatë vijës së frontit dhe i është dashur të pushojë nga puna stafin në mbarë botën.

NRC në vitin 2024 ka marrë rreth 20 për qind të ndihmës nga SHBA-ja ose rreth 150 milion dollarë, me të cilat u ka ndihmuar afërsisht 1,6 milionë njerëzve në mbarë botën.

Administrata e Trampit javën e kaluar kumtoi se do t'i dërgoj në pushim të gjithë punëtorët të punësuar direkt të Agjencinë së SHBA-së për zhvillim ndërkombëtar (USAID) në mbarë botën dhe do të tërheqë mijëra punëtorë nga jashtë. ls/

Foto: NRV logo