Dibër, 1 nëntor 2025 (MIA) - Në Komunën e Dibrës, sot në Zgjedhjet lokale, 130 persona të sëmurë dhe të pafuqishëm e ushtruan të drejtën e tyre për të votuar në kushte shtëpi, që është për 54 më shumë se në rrethin e parë para dy jave.

"Në Komunën e Dibrës, sot duhej të votonin 137 persona, ndërsa 130 prej tyre e ushtruan të drejtën e tyre. Sot, materiali zgjedhor u shpërnda pa probleme dhe presim që nesër gjithçka të shkojë mirë", tha për MIA-n Rilind Hasani, kryetar i Komisionit Komunal Zgjedhor.

Në zgjedhjet e fundit lokale, në raundin e dytë, 60 persona e ushtruan të drejtën e tyre për të votuar, që ishte 40 më shumë se në raundin e parë, kur votuan 20 persona të sëmurë dhe të pafuqishëm.

Në këtë komunë, votimi nesër do të zhvillohet në 27 vendvotime, ndërsa 19.763 persona janë të regjistruar në listën e vetme të votuesve. Më 19 tetor drejtën e tyre e kanë shfrytëzuar 8.052 ose 40,72 për qind. 

Numri i përgjithshëm i fletëvotimeve të vlefshme ishte 7.707, ndërsa 347 fletëvotime ishin të pavlefshme. mb/

Foto: MIA