Moskë, 3 shkurt 2025 (MIA) - Një person humbi jetën, ndërsa katër u plagosën në një shpërthim në një ndërtesë apartamentesh në pjesën veriperëndimore të Moskës, njoftuan mediat ruse, duke cituar shërbimet e urgjencës.

"Baza", kanal në Telegram në afërsi të shërbimeve speciale ruse, publikoi një video në të cilën shihen dëme serioze në kompleksin e banimit "Ali Parusa" ku ndodhi shpërthimi.

Arsyet e shpërthimit ende nuk dihen.

Në dhjetor, Ukraina mori përgjegjësinë për vrasjen e gjeneralit rus Igor Kirillov në një sulm me bombë para ndërtesës së banimit në Moskë.

Deri më tani nuk ka komente nga Kievi. rq/

Foto: arkivi i MIA-s