Shkup, 7 shkurt 2025 (MIA) - Drejtori i Drejtorisë për ekzekutim të sanksioneve, Aleksandar Pandov konfirmoi se Igor Jug, një nga të dënuarit për ngjarjet e 27 prillit në Kuvend ka ndërruar jetë mbrëmë në moshën 54 vjeçare.

Një pjesë e mediave raportuan se Igor Jug ka kërkuar përsëritjen e procedurës, por Gjykata penale mëngjesin e sotëm e ka demantuar këtë informacion. Nga aty informuan se në Këshillin penal nuk është paraqitur asnjë kërkesë për përsëritjen e procedurës.

"Për shkak të publikimeve të shumta në media si dhe pyetjeve të gazetarëve të cilat i janë dorëzuar gjykatës mëngjesin e sotëm, informojmë publikun se: Në lidhje me personin Igor Jug i cili ka qenë i dënuar ligjërisht në rastin me KOK nr. 40/18 për ngjarjet që kanë ndodhur në Kuvendin e RMV-së nga hyrja në fuqi e aktgjykimit dhe deri në këtë moment deri tek Këshilli penal i Gjykatës Themelore Penale Shkup nuk është paraqitur asnjë kërkesë nga personi i dënuar apo avokati i tij për përsëritjen e procedurës", theksojnë prej atje. 

Jug ka qenë i dënuar me 12 vite burg për ngjarjet e 27 prillit në Kuvend. rq/

Foto: Fejsbuk