Nju-Jork, 28 dhjetor 2025 (MIA) - Më shumë se 2.000 fluturime janë anuluar ose vonuar sot në rajonin verilindor dhe të Liqeneve të Mëdha në SHBA, pasi një stuhi dimërore me akull dhe borë goditi zonën gjatë periudhës së ngarkuar midis Krishtlindjeve dhe Vitit të Ri, raportoi Si-Bi-Es njuz (CBS News).

Deri në mëngjesin e djeshëm, në Nju-Jork kishin rënë pak më pak se tre inç borë - rreth gjysma e asaj që kishin parashikuar disa parashikues të motit.

Të paktën 2.700 fluturime janë anuluar në SHBA që nga e premtja, dhe mijëra të tjera janë vonuar, sipas faqes së internetit të ndjekjes së fluturimeve FlightAware.

Aeroporti ndërkombëtar Njuark Liberti, Aeroporti ndërkombëtar Xhon Kenderi dhe Aeroporti ndërkombëtar LaGuardia të premten lëshuan paralajmërime për borë në mediat sociale, duke paralajmëruar se moti mund të shkaktojë ndërprerje në oraret e fluturimeve.

Guvernatorja e Nju-Jorkut, Keti Hoçul, shpalli gjendje të jashtëzakonshme për më shumë se gjysmën e shtetit përpara stuhisë dhe tha në një intervistë telefonike me  Si-Bi-Es njuzNju-Jork,  se njerëzit në rajon duhet të shtyjnë planet e tyre të udhëtimit.

Shërbimi kombëtar i motit paralajmëroi për kushte të rrezikshme udhëtimi nga Liqenet e Mëdha përmes rajonit verior të Atlantikut të Mesëm dhe Anglisë së Re jugore, me mundësinë e ndërprerjeve të energjisë elektrike.

Më shumë se 13 milionë njerëz janë nën paralajmërim, ndërsa 7.7 milionë të tjerë presin stuhi të mundshme.

Paralajmërimet më të rënda janë në fuqi për pjesë të Pensilvanisë qendrore, shtetit të Nju-Jorkut dhe më në veri. mb

Foto: MIA