Shkup, 7 prill 2026 (MIA) - Të gjitha marrëveshjet kolektive të nënshkruara në sektorin publik dhe shtetëror kanë filluar të zbatohen, tha kryeministri Hristijan Mickoski, duke shtuar se kjo është edhe rasti me rritjen lineare dhe harmonizimin me pagën minimale për të punësuarit në Ministrinë e Punëve të Brendshme.

"Këtë vit për ne është me të vërtetë i vështirë, veçanërisht me ngjarjet në Gjirin. Diçka për të cilën tashmë kam folur, por është siç është, do të luftojmë. Të gjitha Marrëveshjet Kolektive që kanë obligim nga 1 prilli, tashmë kanë filluar të zbatohen. Përfshirë edhe rritjen lineare dhe harmonizimin me pagën minimale te të punësuarit në Ministrinë e Punëve të Brendshme. Edhe ata do të kenë rritje të të ardhurave personale", tha Mickoski në përgjigje të pyetjes së gazetarëve në një ngjarje për fillimin e projektit për rikonstruimin e rrugëve në komunën e Aerodromit.

Kështu që, shtoi kryeministri,  si punëdhënës, "ne praktikisht jemi harmonizuar me kolegët tanë në tërësi, mendoj se 97-98%.

"Kështu që mund të them se të paktën deri në vitin 2028, ai proces që e kishim të përcaktuar, e kemi rumbullaksuar", tha kryeministri Mickoski. sa/