Shkup, 4 mars 2026 (MIA) - Pas dy jave, do të ketë pak ose aspak nuk do të ketë rëndësi se kush nga ku erdhi sepse të gjithë ne do të jemi "Vlen",  deklaroi kryetari i Çairit dhe lider i Lëvizjes Demokratike, Izet Mexhiti.

 Duke iu përgjigjur pyetjeve të gazetarëve pas inspektimit të vendosjes së gurthemelit të  pishinës në ShF "7 Marsi", Mexhiti në lidhje me Aleancën për Shqiptarët thotë se ajo është një çështje e brendshme e Aleancës, duke theksuar se të dy krahët e Aleancës morën të njëjtin vendim - të jenë në "Vlen", por se më e rëndësishme është se jemi në finalizimin e projektit "Vlen".

 "Është shumë më e rëndësishme se si do të funksionojë dhe si do të jetë "Vlen"-i", që është e ardhmja, ndërsa Aleanca për Shqiptarët, Lëvizja Demokratike, Alternativa, janë afatshkurtra, mendoj, është tashmë çështje një ose dy javësh", deklaroi Mexhiti.

 Lidhur me modelin e funksionimit që është ende duke u negociuar, Mexhiti theksoi  se po flitet për një model me rotacion, me bashkryetarë, si dhe modele të tjera, një anëtar - një votë, për të shkuar nga baza, një kryetar.

 "Pra, për këtë bisedojmë dhe negociojmë. Por, jam i bindur se këto ditë do të zgjedhim më të mirin sepse, para së gjithash, "Vlen"-i  për ne është një koncept, dhe pastaj individët ose emrat" deklaroi Mexhiti.

 Mexhiti theksoi se po bisedohet intensivisht për këtë, se ka disa modele dhe se këto ditë duhet të vendoset për cilin model. 

 Foto: MIA