Shkup, 19 shkurt 2025

Shkupi dhe mbarë komuniteti mysliman në Maqedoninë e Veriut janë në zi pas ndarjes nga jeta të hafëz Sadudin Sulejmanit, një prej figurave më të shquara të fesë islame në vend.

Zëvendëskryeministri i parë, Izet Mexhiti, ka shprehur ngushëllimet e tij për familjen, të afërmit dhe gjithë besimtarët myslimanë, duke e cilësuar Sulejmanin si një emblemë të jetës fetare islame dhe një krenari për Shkupin me sukseset e tij në garat ndërkombëtare të recitimit të Kuranit.

“Sot ndahemi nga një zë i mrekullueshëm dhe një personalitet i qëndrueshëm, por kujtimi i tij do të mbetet përgjithmonë,” theksoi Izet Mexhiti. 

Izet Mexhiti - zëvendëskryeministri i parë

___________________________________________________________________________________________________________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.