Berlin, 24 janar 2025 (MIA) - Lideri i Unionit Demokristian Gjerman dhe favorit për kancelar të ardhshëm gjeografik, Fridrih Merc, sot tha se procesi i zgjerimit të Bashkimit Evropian do të zgjasë dhe se deri atëherë duhet të konfirmohet se vendet-kandidate do të jenë më shumë të përfshira në strukturat e BE-së dhe mekanizmat për vendimmarje edhe pa anëtarësim me të drejtë të plotë.

"Besoj se duhet ta tejkalojmë dallimin e rreptë midis asaj të jemi plotësisht jashtë ose brenda në BE dhe të krijojmë diçka që hap rrugën drejt anëtarësimit me të drejtë të plotë", tha Merc në takimin në Berlin të organizuar nga fondacioni "Korber" (Körber).

Në fjalën e tij për politikën e jashtme dhe evropiane gjermane, Merc nuk e përmendi zgjerimin e BE-së, por në pyetjen se cili është qëndrimi i tij pas kësaj pyetje, ai tha se nuk ka "përgjigje definitive", por që në ndonjë mënyrë duhet të vendosen lidhje institucionale midis kandidatëve për anëtarësim dhe BE-së.

"Nuk mund të jap përgjigje definitive në këtë pyetje. Vetëm kërkoj mënyra të krijoj mundësi për integrim më të thellë të vendeve fqinje dhe evropiane në strukturat dhe mekanizmat për vendimmarrje të BE-së", tha Merc, duke përmendur se për këtë ka biseduar edhe me presidentin francez Emanuel Makron.

Ai theksoi se modeli i tillë nuk guxon të lë përshtypjen e anëtarësimit të dorës së dytë.

Duke u kthyer në Asociacionin Evropian për Tregti të Lirë (EFTA) dhe marrëveshjen e anëtarëve të saj me BE-në që krijoi Zonën Ekonomike Evropiane (EEA), Merc tha se, për shembull, Unioni mund t'u lejojë kandidatëve të marrin pjesë në disa pjesë të tregut të vetëm evropian.

Merc përmendi Zvicrën si shembull të një vendi që është pjesë e zonës Shengen dhe dëshiron të nënshkruajë marrëveshje që do të thellojnë dhe zgjerojnë bashkëpunimin me BE-në.

Merc shtoi se edhe Turqia duhet të jetë një vend i rëndësishëm strategjik. sa/

foto: Arkivi i MIA-s