Ohër, 11 nëntor 2025 (MIA) - Kryeministri Hristijan Mickoski sot paralajmëroi se deri në fund të këtij viti pritet që katër deri në pesë kompani të nënshkruajnë marrëveshje për hapjen e kapaciteteve të tyre në vend të cilat do të punësojnë rreth një mijë persona. Potencoi se Qeveria punon vazhdimisht për të sjellë investitorë të rinj në vend dhe se Maqedonia e Veriut është një nga vendet më konkurruese në Evropë.

"Do të ketë kompani që do të hapen, do të ketë kompani që do të mbyllen, si vendase ashtu edhe të huaja dhe kjo nuk duhet të kuptohet si diçka që është fundi i botës. Ne si Qeveri po përpiqemi dhe po arrijmë të tërheqim sa më shumë kompani. Tashmë kemi disa që janë në proces të përfundimit të negociatave. Pres që deri në fund të vitit, katër ose pesë kompani të tilla të nënshkruajnë tashmë marrëveshje me Qeverinë, kështu që pres që mbi një mijë vende të reja pune të jenë rezultat i këtyre nënshkrimeve. Absolutisht do të ndodhin gjëra të tilla, do të ketë kompani të reja, disa do të hapen, disa do të mbyllen, por ne si Qeveri jemi këtu për të punuar për interesat e qytetarëve dhe të shtetit dhe jam i bindur se me mbështetjen që ofrojmë, jemi konkurrues. Do të thoja se jemi një nga më konkurruesit në Evropë dhe e tregojmë këtë me numra dhe me vepra", tha kryeministri.

Mickoski i cili sot ishte për vizitë në “Kostal” e cila njoftoi cikël të ri investimesh për vitin 2026 prej 30 milionë euro dhe 200 vende të reja pune, tha se një nga provat e konkurrueshmërisë sonë është ky investim.

"Një nga ato prova është ky investim që do të bëhet nga "Kostal". Megjithatë, ky investim prej 30 milionë euro dhe 200 vende të reja pune, me qëllim që të ketë eksporte mbi 300 milionë euro është diçka vërtet mbresëlënëse dhe i përgëzoj për këtë dhe ne si Qeveri do të bëjmë gjithçka që mundemi për të tërhequr edhe më shumë investime nga "Kostal" dhe lloje të tjera kompanish", tha kryeministri Mickoski.

Foto: arkivi