26 dhjetor 2025

DPA

Gjermania nuk do të marrë pjesë në Forcat Ndërkombëtare të Stabilizimit (ISF) për të zbatuar planin paqësor në Gazë "për një të ardhme të parashikueshme", sipas Ministrit të Punëve të Jashtme, Johan Vadefull. 

Në deklaratat e publikuara sot, Vadefull për DPA-n tha se ushtarët gjermanë nuk do të jenë pjesë e forcave nga të cilat do të kërkohet të "sigurojnë siguri konkrete në rast dyshimi". 

"Shumë njerëz nuk mund të imagjinojnë ushtarët gjermanë ta bëjnë këtë në këtë rajon të veçantë", tha ai. 

Gjermania është e gatshme të luajë një rol konstruktiv në strukturat e përfshira në rezolutën e Këshillit të Sigurimit të OKB-së, siç është këshilli i paqes. Megjithatë, Berlini ende nuk ka marrë një ftesë zyrtare për të marrë pjesë në atë këshill. 

Vadefull bën thirrje për një fillim të shpejtë të Fazës 2 të planit paqësor

Faza e dytë e planit të paqësor prej 20 pikash të presidenti amerikan, Donald Tramp bën thirrje për çarmatimin e grupit militant palestinez Hamas dhe krijimin e Forcave Ndërkombëtare të Stabilizimit (ISF). Dy muaj pasi armëpushimi hyri në fuqi, Hamasi refuzon të dorëzojë armët.

Vadefull thekson se pas konsultimeve fillestare me pjesëmarrësit e mundshëm të trupave, nevojitet një kornizë politike, përfshirë një kornizë sigurie të siguruar nga ISF dhe forcat palestineze të sigurisë.

"Do të ishte e rëndësishme që e gjithë kjo të fillonte shumë shpejt", theksoi ministri. "Nuk duhet të lejojmë që ndarja aktuale e Gazës - në një pjesë d kontrolluar nga ushtria izraelite dhe një pjesë gjithnjë e më shumë nën kontrollin e Hamasit - të bëhet e përhershme."

Megjithatë, ai pranoi vështirësitë në zbatimin e planit dhe bëri thirrje për durim, duke shtuar se Hamasi është ende politikisht dhe ushtarakisht aktiv. "Tani për tani jemi ende shumë larg fillimit të procesit të rikonstruimit në Rripin e Gazës."

Gjermania mund të ndërmjetësojë

Vadefull deklaroi se mbështet "ndërmarrjen e një roli ndërmjetësues nga Gjermania për të marrë në konsideratë sigurinë e Izraelit", bazuar në qëndrimin dhe përgjegjësinë historike të Berlinit ndaj Izraelit për Holokaustin.

Qeveria gjermane siguron ndihmë të gjerë humanitare në Gazë dheparalajmëroi qëllimin e saj për të luajtur një rol kyç në rindërtim. Vadefull shprehu shpresën se një konferencë ndërkombëtare për rikonstruim, e planifikuar nga Egjipti së bashku me Gjermaninë, do të mbahet në fillim të vitit 2026, duke u bërë thirrje vendeve të pasura të Gjirit të ndihmojnë me mjete financiare.

Ministri kritikoi gjithashtu paralajmërimin e qeverisë izraelite për të miratuar 19 vendbanime të reja në Bregun Perëndimor, duke paralajmëruar se zgjerimi i vendbanimeve rrezikon zgjidhjen me dy shtete. ls/

Foto: DPA