Fokaçja është bukë tradicionale italiane me një brendësi të butë dhe të fryrë dhe kore krokante, e pasuruar me vaj ulliri dhe shtesa të ndryshme. Ky variant me ullinj, domate shery dhe bimë aromatike është përzierja perfekte e shijeve mesdhetare, ideale si pjatë dytësore ose si shujtë e lehtë.

Përbërësit:

500 gram miell

300 ml ujë i vakët

7 gram maja e thatë (ose 20 g maja e freskët)

1 lugë sheqer

1 lugë kripë

4–5 lugë vaj ulliri

100 gram ullinj (të zinj ose të gjelbër, pa bërthamë)

150 gram domate sheryy

1 lugë rozmarinë e tharë ose e freskët

1 lugë trumzë

Kripë deti sipas shijes

Përgatitja:

Në një enë të vogël, përzieni ujin e vakët me majanë dhe sheqerin, më pas lëreni të qëndrojë për rreth 10 minuta derisa të aktivizohet. Në enë më të madhe, vendosni miellin dhe kripën, pastaj shtoni përzierjen e majasë së aktivizuar dhe 2 lugë gjelle vaj ulliri.Krijoni brumë të butë dhe elastik. Mbulojeni brumin me pecetë dhe lëreni të fryhet në një vend të ngrohtë për rreth 1 orë, ose derisa të dyfishohet në vëllim. Transferojeni brumin në tepsi të lyer me yndyrë dhe përdorni duart për ta shtrirë në formë drejtkëndëshe. Lëreni të pushojë për 20-30 minuta të tjera. Bëni gropëza në sipërfaqen e brumit me gishta, pastaj renditni ullinjtë dhe domatet shery të prera përgjysmë. Spërkateni me rozmarinë, trumzë dhe kripë deti, pastaj hidhni sipër vajin e mbetur të ullirit. Piqeni në furrë të parangrohur në 200°C për rreth 20-25 minuta, derisa të marrë ngjyrë të artë.

Fokaçja shërbehet më së miri e ngrohtë, por është gjithashtu e shkëlqyer edhe të nesërmen.

Foto: Freepik