Bruksel, 16 shkurt 2025 (MIA) - E publikuar në tërësi/ Deklarata e Përfaqësueses së Lartë në emër të Bashkimit Evropian me rastin e njëvjetorit të vdekjes së Aleksej Navalnit në një koloni penale ruse:

Sot bëhet një vit nga vdekja e politikanit të opozitës rus Aleksej Navalni, për të cilin presidenti Putin dhe autoritetet ruse mbajnë përgjegjësinë përfundimtare.

Ndërsa Rusia intensifikon luftën e saj të paligjshme të agresionit kundër Ukrainës, ajo gjithashtu vazhdon shtypjen e saj të brendshme, duke synuar ata që mbrojnë demokracinë. Aleksej Navalni dha jetën për një Rusi të lirë dhe demokratike. Sot, avokatët e tij mbeten të burgosur padrejtësisht, bashkë me qindra të burgosur politikë. Rusia duhet të lirojë menjëherë dhe pa kushte avokatët e Aleksej Navallnit dhe të gjithë të burgosurit politikë.

ë nga viti 2020, BE-ja ka sanksionuar ata që janë përgjegjës për helmimin e Aleksej Navalnit, arrestimin arbitrar dhe ndjekjen penale të padrejtë, si dhe dënime të motivuara politikisht. Në vitin 2024, BE-ja miratoi një regjim të sanksioneve të fokusuara në të drejtat e njeriut specifik në Rusi, duke synuar ato sanksione të vendosura mëtej ndaj zyrtarëve rusë që kryejnë shkelje dhe represion të të drejtave të njeriut.

BE i bën thirrje Rusisë që t'i japë fund represionit brutal ndaj shoqërisë civile, mediave dhe anëtarëve të opozitës dhe të respektojë ligjin ndërkombëtar. ls/