Дортмунд, 13 април 2020 (МИА) - Напаѓачот на Борусија (Дортмунд), Ерлинг Холанд, нема да ја промени клупската средина летово, соопшти „Билд“. На овој начин, авторитетното издание ги негира информациите во шпанскиот печат од последните денови дека младиот напаѓач ќе се пресели во Реал Мадрид преку претстојниот трансфер прозорец. Се вели дека наведената клаузула од 75 милиони евра ќе биде активирана едвај по крајот на следната сезона. Затоа од Дортмунд ќе побараат многу поголема сума пари за да го продадат половина сезона откако пристигна во клубот. Весникот се осврна и на зборовите на Холанд дека се чуствува добро во „жолто-црниот“ дрес.