Орландо, 13 септември 2020 (МИА) – Денвер нагетс се избори за мајсторка во серијата со Лос Анџелес клиперс во конференциското полуфинале од НБА плејофот. Најзаслужен за вечерашната победа со 111:98 (26:34, 21:29, 30:16, 34:19) на Денвер беше Никола Јокиќ со 34 поени и 14 скока. Сега резултатот е 3-3 во серијата прв до четири победи. Седмиот меч кој ќе го реши патникот во финалето на Западната конференција е закажан за 16 септември. Прв финалист на Запад е Лос Анџелес лејкерс. Во финалето на Исток ќе се сретнат Бостон и Мајами. зс/