Шпанка за која се верува дека е најстарата личност на светот, почина на 117-годишна возраст
- Марија Брањас, Шпанка родена во Америка, која важи за најстарата личност на светот, почина на 117-годишна возраст, соопшти денеска нејзиното семејство.
![Шпанка за која се верува дека е најстарата личност на светот, почина на 117-годишна возраст](https://mia.mk/images/20240820135322_big_730x400_26.webp )
Мадрид, 20 август 2024 (МИА) - Марија Брањас, Шпанка родена во Америка, која важеше за најстарата личност на светот, почина на 117-годишна возраст, соопшти денеска нејзиното семејство.
Геронтолошка истражувачка група, која проверува детали за луѓе за кои се смета дека имаат 110 или повеќе години, ја прогласи Брањас за најстарата личност на светот, откако минатата година почина француската калуѓерка Лусил Рендон на 118-годишна возраст, пренесуваат светските агенции.
Брањас била родена во Сан Франциско на 4 март 1907 година. Кога била млада нејзиното семејство се вратило во Шпанија.
На листата на таа група, најстарата личност на светот сега е Јапонката Томико Итока, која има 116 години. рп/
Фото: МИА архива