Ерусалим, 28 јули 2024 (МИА) - Шефот на израелската разузнавачка служба Мосад, Дејвид Барнеа, денеска отпатува за Рим за да разговара за договорот за прекин на огнот во Појасот Газа и ослободувањето на заложниците кои ги држеше палестинскиот исламистички Хамас.

Тој ќе се сретне со директорот на Централната разузнавачка агенција (ЦИА) Вилијам Барнс, катарскиот премиер Мухамед Бин Абдул Рахман ал Тани и шефот на египетското разузнавање Абас Камел.

Израел во саботата достави до Белата куќа нов предлог за договор со Хамас за ослободување на заложниците.

Членовите на преговарачкиот тим оценија дека израелскиот премиер Бенјамин Нетанјаху „опасно се обложува на животите на заложниците“ со заострување на својот став во преговорите.

Во нападот на палестинските екстремисти на југот на Израел на 7 октомври минатата година, повеќе од 250 луѓе беа киднапирани и однесени во Газа, од кои 111, како што се наведува, се уште се во заложништво, иако за многу од нив во Израел се верува дека не се живи. паг/

Фото: ЕПА