„Чистота и зеленило“ сади нов дрворед во Куманово
- Екипите на ЈП „Чистота и зеленило“ Куманово садат нов дрворед покрај улицата „Братство и единство“ во Куманово, соопштија денеска надлежните од претпријатието.
![„Чистота и зеленило“ сади нов дрворед во Куманово](https://mia.mk/images/20221128065208_big_730x400_90.webp )
Куманово, 21 ноември 2022 (МИА) - Екипите на ЈП „Чистота и зеленило“ Куманово садат нов дрворед покрај улицата „Братство и единство“ во Куманово, соопштија денеска надлежните од претпријатието.
Во моментов на локацијата се сади јасен.
- Садниците не бараат посебни услови за одржување, доста се отпорни и на суша и на мрзнење, добри се за одржување и важно собираат издувни гасови и придонесуваат за почист воздух, изјави заменик-директорот на претпријатието, Цветанка Ивановска, воедно шумарски инженер и магистер по еколошки ресурси.
Изминатиот период екипите од „Зеленило“ насадија зимзелени садници кои претставуваат звучна изолација и го штитат воздухот од издувните гасови од автопатот Куманово-Табановце кај зградите кај поранешен Монопол.
Од претпријатието повикаа граѓаните совесно да се однесуваат, потсетувајќи дека дел од садниците на дрворедите и кај градскиот стадион и во населбата Карпош ги уништија несовесни граѓани.
- Јасените се наше сопствено производство од расадникот. Изминатиот период преку акции насадени се и обновени се над 4.500 садници на повеќе локации. Ако дозволат временските услови и во петок е планирана акција, обезбеден е саден материјал за градскиот кеј, изјави Ивановска.
Садењето садници, дрвореди, акции за пошумување се дел од среднорочните мерки за намалување на аерозагадувањето, план кој го донесе општината пред пандемијата. ам/цр
![316218905_608767147715705_4343995424876447641_n](/articles/images/d187d0b8d181d182d0bed182d0b0-d0b8-d0b7d0b5d0bbd0b5d0bdd0b8d0bbd0be-d18/yrXVWoqm3/placeholder.webp?use_watermark=0)
![316066139_608767337715686_1590607105089908258_n](/articles/images/d187d0b8d181d182d0bed182d0b0-d0b8-d0b7d0b5d0bbd0b5d0bdd0b8d0bbd0be-d18/dDgQOllRX/placeholder.webp?use_watermark=0)
![цветанка ивановска](/articles/images/d187d0b8d181d182d0bed182d0b0-d0b8-d0b7d0b5d0bbd0b5d0bdd0b8d0bbd0be-d18/09h4XuR0H/placeholder.webp?use_watermark=0)