• четврток, 11 јули 2024

Чешка ги засили мерките поради конкретна терористичка закана

Чешка ги засили мерките поради конкретна терористичка закана

Прага, 9 јуни 2024 (МИА) – Чешката полиција ги зајакна безбедносните мерки во Прага и е во состојба на готовност поради закани од терористички напади, со зголемени патроли кои ги чуваат автобуските и железничките станици, трговските центри и местата каде што се собира голем број луѓе.

- Можам да потврдам дека полицијата во моментов презема превентивни мерки. Полицијата води истрага поврзана со напади во странство. Осомничениот е уапсен. На луѓето во Чешка не им се заканува поголем ризик, изјави денеска министерот за внатрешни работи Вит Ракушан.

Како што пренесува Бета, чешкиот весник „Млада фронта Днес“ од неофицијални извори дознава дека станува збор за закана од терористички напади врз инфраструктурата, а важат и за други земји.

Чешкиот совет за национална безбедност утре ќе одржи итен состанок. јт/

Фото: МИА архива

Остани поврзан