Дебар, 17 март 2025 (МИА) - По повод трагедијата што се случи вчера во Кочани во која го загуби животот и Андреј од ДНК, по потекло од Дебар,  црквата Света Петка во Дебар е отворена за сите верници кои сакаат да се помолат за душите на трагично загинатите. 

Црквата Света Петка каде е и седиштето на парохијата се наоѓа во близина на дебарската болница.

- Нашиот божји храм ќе биде отворен и следните два дена од 16 до 18 часот. Бог да ги прости и царство небесно  да им подари, објави Миле Ангеловски, намесник на Дебарската парохија.

Сочувство до семејствата на настраданите изрази градоначалникот на Центар Жупа, Аријан Ибраим.

-Оваа голема трагедија не погоди сите, за која нема зборови за утеха.  Во име на моите сограѓани и во лично име, изразувам најдлабоко сочувство до семејствата на загинатите во Кочани,   воедно на повредените им посакувам брзо закрепнување, напиша Ибраим во објава на Фејсбук. вт/

Фото: МИА