• вторник, 14 мај 2024

Хагари: Иран истрела повеќе од 300 дронови и проектили, 99 отсто беа пресретнати

Хагари: Иран истрела повеќе од 300 дронови и проектили, 99 отсто беа пресретнати

Ерусалим, 14 април 2024 (МИА) - Експлозии и сирени за воздушен напад се слушнаа во Израел рано утринава откако Иран истрела стотици беспилотни летала, балистички крстосувачки ракети во директен напад, објавија израелските медиуми.

Портпаролот на израелската војска Даниел Хагари изјави дека биле истрелани повеќе од 300 беспилотни летала и проектили, но 99 отсто од нив биле пресретнати.

Хагари рече дека Иран истрелал 170 беспилотни летала, повеќе од 30 крстосувачки ракети и повеќе од 120 балистички ракети, но само неколку балистички проектили стигнале до израелска територија, предизвикувајќи мала штета на воздушната база.

Тој го опиша овој резултат како „исклучително значаен стратешки успех“. паг/

Фото: МИА архива

 

 

Остани поврзан