Баку, 5 јуни 2021 (МИА) – Возачот на Формула 1 тимот на Ферари, Чарлс Леклерк постигна најбрзо време во денешните квалификации за трката за Големата награда на Азербејџан во Баку. За Леклерк ова е втора едноподруго „полпозиција“, откако ги освои и квалификациите во Монако пред две недели. Светскиот првак Луис Хамилтон (Мерцедес) квалификациите во Баку ги заврши како второпласиран, додека од вториот ред ќе стартуваат Макс Верстапен (Ред Бул) и Пјер Гасли (Алфа Таури). Трката за Големата награда на Азербејџан се вози утре со почеток од 14 часот. ег/паг/