Делчево, 31 август 2025 (МИА) – На градскиот стадион Гоце Делчев во Делчево денеска се одигра меѓународен пријателски натпревар меѓу екипата на Брегалница 1926 Делчево и гостите од Република Бугарија, Граничар од Логодаж.

Натпреварот заврши со победа на делчевскиот состав од 2:1, откако на полувреме резултатот беше израмнет (1:1). 

За Брегалница 1926 Делчево овој натпревар претставува дел од подготовките пред почетокот на натпреварувањето во Третата лига – Исток, каде што минатата сезона тимот заврши на второто место по есенскиот дел.

Во првото коло од новата сезона, делчевци ќе гостуваат кај екипата на Ударник од Пирава, а од клубот најавуваат борба за висок пласман и оваа година. вс/вј/

Фото: МИА