Киев, 26 март 2025 (МИА) – Украина ја обвини Русија за неспособност да управува со безбедноста на нуклеарната централа Запорожје, откако во јавноста се појавија информации за истекување гориво.

Портпаролот на украинското Министерство за надворешни работи, Георгиј Тихиј, изјави дека „Русија не само што ја украде централата, туку и не е способна да ја одржува нејзината безбедност“. Тој нагласи дека пролевањето гориво би можело да обезбеди енергија за генераторите уште 25 дена.

Нуклеарната централа Запорожје, најголемата во Европа, се наоѓа во јужна Украина и е под руска контрола од март 2022 година.

Киев и Москва меѓусебно се обвинуваат за напади врз објектот, што предизвикува загриженост кај Меѓународната агенција за атомска енергија (IAEA) поради ризик од нуклеарна катастрофа. ссм/

фото: принтскрин