Скопје, 29 мај 2025 (МИА) – Кошаркарите на ТФТ Скопје се изборија за четврти натпревар во финалната серија од плејофот, откако вечерва го совладаа на домашен терен бранителот на титулата МЗТ Скопје Аеродром со 63-58 и ја намалија негативата на 1-2 во серијата до три победи.

По двата гостинските порази во воведните два натпревари од плејофот, ТФТ фуриозно го отвори третиот дуел и на полувреме замина со предност од 42-23.

Актуелниот шампион се врати резултатски во игра во третата четвртина (29-10) и го однесе натпреварот во неизвесна завршница во која кошаркарките на ТФТ, сепак, беа поуспешни и ја пролонгираа шампионската промоција.

Најефикасни во редовите на ТФТ беа Браун со 20 и Ташовски со 17 поени, додека Едвин со 19 поени беше најистакнат во редовите на МЗТ Скопје Аеродром.

Четвртиот натпревар од плејофот за шампионската титулата ќе се игра в понеделник, а домаќин повторно ќе биде ТФТ. ег

ФОТО: МИА